Nesta terceira
clase con Luz, nada máis empezar fixemos un wordmap
que consistía en facer dúas listas de 10 palabras cada unha, nunha lista verbos
de uso cotiá e na outra substantivos. Despois, debaixo de cada lista, tiñamos
que poñer un número do 1 ao 10. E coa palabra que coincidise con ese número
deberiamos facer unha frase. Neste wordmap estableceu as instrucións paso por
paso, para que non fose moi difícil de entender a tarefa. Logo, por grupos de
catro, había que explicarlle ao resto en que consistía a nosa frase como se se
tratase dun novo traballo do século XXI. A miña frase era un écouteur de peur, pero como fun de paria e me xuntei cos de
inglés, traducín a miña frase a a fear
listener. E bueno, tan mal non foi cando me entenderon.
Con esta
actividade, Luz quería demostrar que as actividades non só son orais ou
escritas, ou de recepción ou comprensión, que na maioría dos casos se traballan
de forma mixta.
Logo, a través dun
audio, quixo mostrarnos as etapas a realizar cun audio ou vídeo. Un prelistening, no que se traballaría algo
semellante a un wordmap, no que se
podería poñer o título do vídeo, ou un elemento característico e a partir de aí
sacar por exemplo posible vocabulario relacionado. Mentres oen e/ou ven o vídeo
ou son teñen que facer algunha actividade sinxela que non lles impida oír, pero
que lles manteña a concentración, como por exemplo, do vocabulario do prelistening ir mancando os que saian. Despois
de oír/ver xa virían os exercicios máis completos.
Dicir que a
dificultade dos exercicios non depende do material, senón do que se pida facer
con ese material.
Finalmente,
ofreceunos diverso material co que traballar, e realizar unha actividade de
audio/vídeo, no que habería as tres partes antes descritas. Eu, coma antes, fun
de paria pola vida e uninme aos de inglés. Fixemos a canción «The logical song»,
no que antes de oír a canción os alumnos por parellas ían a describirse (non só
fisicamente, xa se explicitaba no título), e logo faríase unha lista no
encerado cos adxectivos de cada grupo.
Durante a canción
terían que identificar cales dos adxectivos saíron na canción, ademais de
engadir algún dos que oían. E finalmente, despois da canción, os alumnos deben clasificar
os adxectivos en positivos e negativos, e facer unhas cantas frases usándoos.
