Dossier: Segundo exercicio con Luz.

Nesta ocasión tiñamos que escoller entre unha serie de actividades aloxadas en distintas páxinas dedicadas á ensinanza de linguas estranxeiras e explicar por que esas actividades son atractivas e que competencias se traballan.

Dos distintos sitios webs que vin, acabei decantándome pola actividade «Les indices» de polarfle.com, aínda que no meu caso, á hora de realizala, realizaría unha serie de modificacións.

A actividade en si mesma consiste en que un ladrón entrou a roubar na casa, o profesor explica, como se fose un detective, a posible ruta que seguiu o ladrón á hora de roubar algúns obxectos. Os alumnos deben continuar a historia e explicar que obxectos faltan e en que habitación se encontraban. Desta forma os alumnos aprenden vocabulario das distintas estancias da casa, así como cousas de uso cotiá dentro dunha casa.

A modificación que eu realizaría é, que por grupos de catro, realicen a actividade de forma cooperativa. Cada alumno, e grupo, ten o mesmo plano da casa, e unha lista de obxectos que normalmente se poden atopar nunha casa. Cada alumno entrega o seu plano ao compañeiro do lado, que deberá escribir os obxectos que pertenzan á primeira habitación do plano; o seguinte  compañeiro escribirá os de outra habitación, así ata que os catro escribiron nos catro planos. Desta forma, os catro alumnos enchen o vocabulario de todas as habitacións, e de haber algunha discrepancia, poden debater en grupo. Finalmente, entre os catro, deben continuar a historia.

Con esta actividade os alumnos traballarían a competencia lingüística, a competencia no coñecemento e interacción co mundo físico, a competencia social e cidadá, así como a competencia en autonomía e iniciativa persoal.

Esta actividade podería realizarse con alumnos de 2º da ESO, e pódese adaptar con distinto vocabulario a outros niveis.